सहकारी संस्था बचत रकम दुरुपयोग सम्बन्धमा छानबिनका लागि गठित संसदीय छानबिन समितिले पूर्व गृहमन्त्री रबी लामिछानेसँग सोधपूछ गर्ने भएको छ । समितिका सभापति सूर्य थापाका अनुसार केही दिनभित्रै रास्वपाका सभापतिसमेत रहेका पूर्व गृहमन्त्री लामिछानेसँग सोधपुछ गर्ने भएको हो ।
समितिले आज पूर्वउपराष्ट्रपति नन्दबहादुर पुनका छोरा दिपेशकुमार पुनसँग सोधपुछ गर्दैछ । माओवादी केन्द्र निकटको विद्यार्थी संगठनका महासचिवसमेत रहेका दिपेश पुन बुटवलमा रहेको सुप्रिम बचत तथा ऋण सहकारी संस्थाका पूर्वसचिव हुन् ।
बुटवलको सुप्रिम बचत तथा ऋण सहकारीमा १० हजार बचतकर्ताको साढे ७८ करोड हिनामिना भएको छ । जसमा जीबी राई, दीपेश पुनसहित लामिछानेसमेत मुछिएका छन् । यसैकारण समितिले लामिछानेसँग पनि बयान लिन लागेको हो ।
