नेपाल राष्ट्र बैंकले बैंक तथा वित्तीय संस्थाको लागि काउन्टर साइक्लिकल बफरबारे नयाँ व्यवस्था गरेको छ। राष्ट्र आज मंगलबार यसबारे एकिकृत निर्देशन जारी गरेको हो ।
जस अनुसार अब २०८१ साउन देखि लागु हुने गरी आ.व २०८१/८२ का लागि काउन्टर साइक्लिकल बफर शून्य प्रतिशत रहने छ । एकिकृत निर्देशनमा भनिएको छ ‘वाणिज्य बैंकहरुले आ.व २०८० / ८१ देखि Capital Adequacy Framework 2015 मा व्यवस्था भएबमोजिमको Countercyclical Buffer कायम गर्नुपर्नेछ । २०८१ साउन देखि लागु हुने गरी आ.व २०८१/८२ का लागि यस्तो Buffer शून्य प्रतिशत रहने ।’
यस अघि बैंकहरूले ०.५ प्रतिशत पुँजीकाेष कायम गर्नुपर्ने व्यवस्था थियो। अब भने सो व्यवस्था हटेर शुन्य प्रतिशत कायम भएको हो ।
यो व्यवस्था वाणिज्य बैंक , विकास बैंक, फाइनान्स र पूर्वाधार विकास बैंकलाई लागु हुने छ । बैंकहरूले थप ०.५ प्रतिशत पुँजीकाेष कायम गर्नुनपर्ने भएपछि बैकहरूकाे कर्जा विस्तार गर्ने क्षमता बढ्ने छ।
त्यस्तै क, ख, र ग वर्गका बैंक तथा वित्तीय संस्थाले २०८४ असार मसान्तसम्ममा न्यूनतम १५ प्रतिशत कर्जा लघु, घरेलु, साना एवम् मझौला उद्यमका क्षेत्रमा (रु. २ करोडभन्दा कम रकमका कर्जा तथा प्रत्यक्ष रुपमा प्रवाह भएका विपन्न वर्ग कर्जासमेत) प्रवाह गर्नु पर्नेछ । यस अघि यो रु. २ करोडभन्दा कम रकमको भनि तोकिएको थियो ।
