एनएमबि बैंकमा ०.५ प्रतिशतभन्दा धेरै शेयर हुने शेयरधनीको संख्या १४ रहेको छ। कम्पनीको आर्थिक वर्ष २०८१/८२ को विवरण अनुसार कम्पनीमा संस्थागत र व्यक्तिगत गरि १४ शेयरधनीसंग मात्र ०.५ प्रतिशतभन्दा धेरै शेयर रहेको देखिएको हो।
बैंकमा एफएमओ नेदरल्याण्डको सर्वाधिक १३.६९ प्रतिशत शेयर स्वामित्व रहेको छ भने कर्मचारी संचयकोषको ५.५३ प्रतिशत स्वामित्व रहेको छ। बैंकमा यंग लियन रियल्टी एस डि एन वि एच डि मलेशियाको ४.२२ प्रतिशत शेयर स्वामित्व रहेको छ भने गाईत्री इन्भेष्टमेन्ट एन म्यानेजमेन्टको १.७४ प्रतिशत स्वामित्व रहेको छ।
बैंकका अन्य ठूला शेयरधनी भने व्यक्तिगत छन्। जसमा नन्द किशोर राठीको १.६८ प्रतिशत, धनन्जय प्रसाद आचार्यको १.५४ प्रतिशत, सुनिल कुमार कोशालीको १ प्रतिशत, पवन कुमार गोल्यानको ०.९२ प्रतिशत, योगेन्द्र लाल प्रधानको ०.९१ प्रतिशत तथा सुशील कुमार गोशालीको ०.९० प्रतिशत शेयर स्वामित्व रहेको छ।
यी बाहेक बैंकमा सन्तोष देवी मुरारकाको ०.७९ प्रतिशत शेयर स्वामित्व, पुरुषोत्तम लाल संघाईको ०.६८ प्रतिशत, पशुपति मुरारकाको ०.५८ प्रतिशत तथा सन्तोष राठीको ०.५४ प्रतिशत शेयर स्वामित्व रहेको छ।
