नेपाल राष्ट्र बैंकले बैंक तथा वित्तीय संस्थाहरुलाई माष्टर रिपर्चेज एग्रीमेण्ट एवम् सुरक्षणपत्र धितो कारोबारसम्बन्धी सम्झौता गर्न बोलाएको छ । राष्ट्र बैंकको मौद्रिक व्यवस्थापन विभागले वाणिज्य बैंक, विकास बैंक र फाइनान्स कम्पनीहरुलाई सम्झौता गर्नको लागि सूचना जारी गरेको हो ।
खुला बजार कारोबार विनियमावली (चौथो संशोधन, २०८०), २०७८ अनुसार रिपो, रिभर्स रिपो तथा स्थायी तरलता सुविधा उपयोगका लागि काउण्टरपार्टीहरू( इजाजतपत्र प्राप्त “क”, “ख” र “ग” वर्गका बैंक तथा वित्तीय संस्थाहरू) ले बैंकसँग माष्टर रिपर्चेज एग्रीमेण्ट एवम् सुरक्षणपत्र धितो कारोबारसम्बन्धी सम्झौता गर्नुपर्ने व्यवस्था रहेको छ ।
विगतमा गरिएको सम्झौताको अवधि यही असार मसान्तमा समाप्त हुने भएकोले नयाँ सम्झौताका लागि राष्ट्र बैंकले सूचना जारी गरेको हो ।
