नेपाल राष्ट्र बैंकको गभर्नर सिफारिसका लागि गठित समितिको सदस्यमा डा. पोषराज पाण्डे नियुक्त भएका छन् । बुधबारको मन्त्रिपरिषद् बैठकले अर्थमन्त्री विष्णु पौडेल संयोजक रहेको समितिको सदस्यमा मन्त्री पौडेलकै प्रस्तावमा डा. पाण्डेलाई नियुक्त गरेको हो ।
अर्थमन्त्री पौडेल नेतृत्वको उक्त ३ सदस्यीय समितिमा निवर्तमान गभर्नर महाप्रसाद अधिकारी र डा. विश्व पौडेल सदस्य थिए । डा. विजयनाथ भट्टराईले राजीनामा दिएपछि निवर्तमान गभर्नर अधिकारी नियुक्त भएका थिए । यसपछि डा. विश्व पौडेलले पनि समितिबाट राजीनामा दिएपछि डा. पाण्डेलाई नियुक्त गरिएको हो ।
महाप्रसाद अधिकारीको कार्यकाल सकिएपछि राष्ट्र बैंकमा गभर्नर पद रिक्त छ ।
