नेपाल राष्ट्र बैंकले बैंकहरुको ‘स्ट्रेस टेस्ट’ अर्थात् दबाब परीक्षणको नतिजा सार्वजनिक गरेको छ । राष्ट्र बैंकले वित्तीय स्थायित्व प्रतिवेदन मार्फत ‘स्ट्रेस टेस्ट’ को नतिजा सार्वजनिक गरेको छ ।
वर्तमानमा भन्दा फरक आर्थिक एबं वित्तीय अवस्थाको परिकल्पना गर्दा बैंक वा वित्तीय संस्थाको वित्तीय सूचकहरुमा पर्ने दबाव वा परिवर्तनको अध्ययन नै दबाब परीक्षण हो । आन्तरिक तथा वाहृय कारणले अर्थतन्त्रमा आउन सक्ने उतार चढावले कुनै पनि बैंक वा वित्तीय संस्थाको पूँजी, तरलता तथा आम्दानीमा पर्नसक्ने प्रभाव अध्ययनका लागि दबाब परीक्षण गरिन्छ ।
२०८० असार मसान्तको तथ्यांक अनुसार राष्ट्र बैंकले ‘स्ट्रेस टेस्ट’को नतिजा सार्वजनिक गरेको हो । ‘क्रेडिट सक’को नतिजा अनुसार २० मध्ये १९ वाणिज्य बैंक पुँजी पर्याप्तमा कमजोर देखिएका छन् । १९ वाणिज्य बैंकको पुँजीगत पर्याप्त अनुपात अनिवार्य ११ प्रतिशत भन्दा कम हुने प्रतिवेदनमा उल्लेख छ ।
क्रेडिट सकको नतिजा अनुसार बैंकहरुको १५ प्रतिशत पर्फर्मिङ ऋण सब स्ट्याण्डर्डमा झरेको छ भने १५ प्रतिशत सब स्ट्याण्डर्ड ऋण डाउटफुल ऋणमा झरेको छ । त्यस्तै २५ प्रतिशत डाउटफुल ऋण ‘लस लोन’ मा झरेको छ ।
