सहकारी ठगी सम्बन्धि छानबिन गर्न गठित संसदीय छानबिन समितिले पूर्वउपराष्ट्रपति नन्दबहादुर पुनका छोरा दिपेशसँग सोधपूछ गरेको छ । रूपन्देहीको सुप्रिम बचत तथा ऋण सहकारी संस्थाको रकम हिनामिनामा मुछिएका पुनलाई सिंहदरबारमा झिकाएर समितिले सोधपूछ गरेको समितिका सभापति सुर्य थापाले जानकारी दिए ।
गत वैशाख ४ गते रुपन्देही प्रहरीले सरकारी वकिल कार्यालयमार्फत दिपेशसहितका २८ जनालाई प्रतिवादी बनाएर सहकारीका ८ हजारभन्दा बढी बचतकर्ताको ९६ करोड रूपैयाँ हिनामिना गरेको आरोपमा जिल्ला अदालतमा मुद्दा दायर गरेको थियो । उनी हाल थुनामै छन् ।
दिपेश उक्त सहकारीका तत्कालिन सचिव पनि हुन् ।
