सरकारले यातायात व्यवसायीहरूलाई १२ वटा निर्देशन दिएको छ । गृह मन्त्रालयले नेपाल यातायात व्यवसायी राष्ट्रिय महासंघ सहितका व्यवसायीका महासंघ र संघलाई पत्राचार गर्दै सार्वजनिक सवारी साधनमा सीसी टिभी जडान गर्नुपर्ने सहितका विभिन्न १२ बुँदे निर्देशन दिएको हो ।
गृह मन्त्रालयले यात्रुलाई टिकट काटेर मात्र यात्रा गराउन, अनलाइन टिकट प्रणालीको विकास गरी कार्यान्वयन गर्न र यात्रुको पहिचान खुल्ने कागजात लिएर मात्र यात्रा गराउन निर्देशन दिएको छ ।
सबै सवारी साधनमा जीपीएस ट्रयाकिङ प्रणाली जडान गर्न, सवारी साधनमा गति सीमित गर्ने उपकरण जडान गर्न र आ–आफ्ना सार्वजनिक सवारी साधनमा सीसी टिभी जडान गर्नसमेत निर्देशन दिइएको छ ।
सबै चालक तथा सहचालकसँग अनिवार्य सम्झौता गर्न र न्यूनतम तलब तथा ज्यालाको व्यवस्था गरी सामाजिक सुरक्षा कोषमा आवद्ध हुन पनि सरकारले निर्देशन दिएको छ ।
यस्तो छ निर्देशन:
