कुथेली बुखरी स्मल हाइड्रोपावर लिमिटेडले गत आर्थिक वर्षको चौथो त्रैमाससम्म १ करोड ५७ लाख ५७ हजार रुपैयाँ खुद नाफा आर्जन गरेको छ । अघिल्लो आर्थिक वर्षको तेस्रो त्रैमाससम्म यस कम्पनीले १ करोड ४२ लाख ७४ हजार रुपैयाँ नाफा कमाएको थियो ।
कम्पनीको विद्युत बिक्री आम्दानी ३ करोड ३७ लाख रुपैयाँ रहेको छ । त्यस्तै, सो अवधिसम्ममा कम्पनीको कुल नाफा ३ करोड ३ लाख रुपैयाँ रहेको छ भने सञ्चालन मुनाफा २ करोड ३२ लाख १० हजार रुपैयाँ रहेको छ । उक्त कम्पनीको वित्तीय खर्च ५९ लाख ८ हजार रहेको छ भने अन्य आम्दानी १५ लाख ३३ हजार छ ।
कम्पनीको प्रतिशेयर आम्दानी १२ रुपैयाँ ९३ पैसा रहेको छ भने प्रतिशेयर नेटवर्थ १६१ रुपैयाँ ९५ पैसा रहेको छ । कम्पनीको मूल्य आम्दानी अनुपात ११६.७० गुणा रहेको छ।
चुक्ता पुँजी १२ करोड १८ लाख रुपैयाँ रहेको कुथेलीको जगेडा कोषमा ७ करोड ५५ लाख रुपैयाँ रहेको छ । यो जलविद्युत कम्पनीहरुमध्ये सबैभन्दा महँगो शेयरमूल्य भएको कम्पनी हो । दोस्रो बजारमा कम्पनीको शेयर साउन २८ गते २ हजार २०८ रुपैयाँ १० पैसामा अन्तिम कारोबार भएको थियो ।
