आँखुखोला जलविद्युत कम्पनीले आज साउन २७ गतेदेखि हकप्रद शेयर बिक्री खुला गरेको छ । कम्पनीले १:१.५ को अनुपातमा एक सय पचास प्रतिशतले हुन आउने १ करोड २० लाख कित्ता हकप्रद निष्काशन गरेको हो ।
कम्पनीले १ अर्ब २० करोड बराबरको हकप्रद निष्काशन गरेको छ । यस निष्काशनमा भदौ १६ गतेसम्म आवेदन दिन सकिने छ ।
कम्पनीले हकप्रद निष्काशनको लागि २०८१ साउन १ गते बुकक्लोज गर्ने निर्णय गरेकोले असार ३१ गतेसम्म कायम शेयरधनीले मात्र कम्पनीको हकप्रदमा आवेदन दिन सक्ने छन् । हकप्रद शेयर निष्काशनको लागि नबिल इन्भेष्टमेन्ट बिक्री प्रबन्धक रहेको छ ।
नेपाल धितोपत्र बोर्डले असार १९ गते कम्पनीलाई हकप्रद निष्काशनको लागि अनुमति प्रदान गरेको हो।
