अर्थमन्त्री डा. स्वर्णिम वाग्लेले सरकारले हरेक दिन राष्ट्रिय लट्री कार्यक्रम संचालन गर्ने बताएका छन्। आज अर्थ मन्त्रालयमा आयोजित पत्रकार सम्मेलनमा उनले यस्तो बताएका हुन् ।
यस अघि बजेट बक्तब्य मै औपचारिक च्यानलबाट भित्रिने रेमिटेन्सलाई थप प्रोत्साहित गर्न रेमिटेन्स आप्रवाहको हरेक रिसिटमा आधारित लट्री कार्यक्रम सञ्चालन गरिने उल्लेख थियो। आज आयोजित पत्रकार सम्मेलनमा उनले भ्याट तिर्नेहरु पनि यस्तो लट्री कार्यक्रममा सहभागी हुन सक्ने बताएका हुन् ।
भ्याट बिल लिने र दिनेलाई प्रोत्साहन गर्ने उद्देश्यले यो नयाँ व्यवस्था सुरु गर्न लागेको उनले प्रष्ट पारे। उनले भ्याट बिल लिनेहरु स्वत लट्री कार्यक्रमको लागि योग्य हुने र हरेक दिन एकजना लखपति बन्ने उनले बताए ।
उपभोग बढाउनु पर्ने भएकोले उपभोगलाई प्रोत्साहन गर्न यस्तो निती लिईएको उनले प्रष्ट पारे । आयकरबाट मात्र ठूलो राजस्व संकलन गर्न कठिन हुने भएकाले उपभोग कर लगाउनु परेको उनले बताए। मुलुक धनि बन्दै गएपछि भने फेरि आयमा नै धेरै कर लगाईने उनले जानकारी दिए।
