आफूले ठेक्का पाएको आयोजना समय अगावै निर्माण सम्पन्न गरेपछि रोनिशा कृषल जेभी सम्मानित भएको छ । दोलखाको भिमेश्वर नगरपालिका ४ नम्बर वडा कार्यालय जिलुले रोनिशा कृषल जेभीलाई सम्मान गरेको हो ।
जिलुस्थित टहले हिडी किस्नरे सडक स्तरोन्नतिको काम समय अगाडि नै सम्पन्न गरेपछि वडा कार्यालयले निर्माण कम्पनीलाई सम्मान गरेको हो । कम्पनीका तर्फबाट अरविन कुमार थापाले सम्मानपत्र ग्रहण गरेका छन् ।
सघन शहरी तथा भवन निर्माण आयोजना मन्थली रामेछापको तर्फबाट उक्त आयोजना कार्यान्वयन भएको थियो । १ करोड ८२ लाख १३ हजार ४४७ रुपैयाँ ८७ पैसामा उक्त आयोजना ठेक्का सम्झौता भएको थियो ।
२०८२ माघ २२ गते २०८३ असार १५ भित्रमा निर्माण सम्पन्न गर्नुपर्ने गरी आयोजना सम्झौता गरिएको थियो । तर, अवधि बाँकी रहँदै निर्माण कम्पनी रोनिशा कृषल जेभीले आयोजना निर्माण सम्पन्न गरेको हो ।
