नेपाल अटोमोबाइल्स इम्पोटर्स एण्ड म्यानुफ्याक्चरर्स एसोसिशयन (नाइमा)ले उद्योगपति शेखर गोल्छाको पक्राउप्रति ध्यानाकर्षण भएको जनाएको छ । नाइमाले निजी क्षेत्रको मनोबल उच्च राख्ने, विश्वासको वातावरण सुदृढ गर्ने तथा उद्यमशीलताको निरन्तरता कायम राख्ने दिशामा राज्यले निजी क्षेत्रको योगदानलाई उचित रूपमा स्वीकार गरी सोहीअनुसार व्यवहार र नीतिगत सन्देश दिनु आवश्यक रहेको जनाएको छ ।
साथै, पर्याप्त प्रमाणबिना कुनै पनि व्यक्तिमाथि निष्कर्षमा पुग्ने वा कठोर कदम चाल्ने कार्यले समग्र प्रणालीप्रतिको विश्वासमा असर पर्न सक्ने भएकाले यस सन्दर्भमा सम्बन्धित निकायहरूले आवश्यक संवेदनशीलता अपनाउनुपर्ने नाइमाले जनाएको छ ।
सम्बन्धित व्यक्तिलाई आवश्यक स्पष्टीकरण प्रस्तुत गर्ने पर्याप्त अवसर प्रदान गरिनुपर्ने बताउँदै नाइमाले प्रक्रियागत स्पष्टता, सन्तुलन तथा उचित विवेक अपनाइनुपर्ने नाइमाले दोहोर्याएको छ ।
गोल्छा वरिष्ठ उद्योगपति सँगसँगै नेपाल उद्योग वाणिज्य महासंघका पूर्व अध्यक्ष एवम् नाइमाका बोर्ड सदस्य पनि हुन् ।
