राष्ट्रिय वाणिज्य बैंकका पूर्व अध्यक्ष डा. बलराम पाठक पक्राउ परेका छन् । ललितपूरको गतिशील सहकारी ठगी प्रकरणमा पाठक पक्राउ परेका हुन् ।
जिल्ला प्रहरी परिसर ललितपुरका एसपी तथा प्रवक्ता गौतम मिश्रले पाठक पक्राउ परेको पुष्टि गरेका छन् । पाठकलाई इमाडोलबाट पक्राउ गरिएको हो ।
बचतकर्ताको रकम अपचलन गरेर जग्गामा लगानी गरेका उनलाई तत्कालिन सरकारले राष्ट्रिय वाणिज्य बैंकको अध्यक्षमा नियुक्त गरेको थियो । राजनीतिक पहुँचका आधारमा अध्यक्षमा नियुक्त भएका उनलाई पछि अर्थ मन्त्रालयले बर्खास्त गर्नु परेको थियो ।
