नेपालमा Yadea को आधिकारिक वितरक Kuzu Nepal Pvt. Ltd., ले “चैत्र मेगा एक्सचेन्ज कार्निभल” घोषणा गरेको छ। चैत्र ४ देखि चैत्र ११ गतेसम्म सञ्चालन हुने यो अभियानले आकर्षक अफरहरू मार्फत नेपालमा स्मार्ट इलेक्ट्रिक मोबिलिटीतर्फको रूपान्तरणलाई तीव्र बनाउने उद्देश्य राखेको कम्पनीले जनाएको छ।
कम्पनीका अनुसार यस अभियान अन्तर्गत ग्राहकहरूले Yadea Owin र Yadea E8S Pro मोडेलहरूमा NPR १५,००० सम्मको एक्सचेन्ज बोनस प्राप्त गर्न सक्नेछन् । साथै, EMI सुविधा NPR ३,९९९ प्रति महिनादेखि सुरु हुने भएकाले ग्राहकहरूलाई स्मार्ट इलेक्ट्रिक सवारीतर्फ सहज रूपमा परिवर्तन गर्न थप सहयोग पुग्ने कम्पनीले जनाएको छ। उक्त एक्सचेन्ज कार्निभल नेपालभर रहेका सबै याडिया शोरुमहरूमा सञ्चालन भइरहेको कम्पनीले उल्लेख गरेको छ ।
कुजु नेपालका प्रतिनिधिहरूका अनुसार, यो अभियानले इलेक्ट्रिक सवारीलाई अझ किफायती, सहज र आकर्षक बनाउँदै ग्राहकहरूलाई वातावरणमैत्री यातायाततर्फ आकर्षित गर्ने लक्ष्य राखेको छ। इन्धनको मूल्य वृद्धि र वातावरणीय सचेतना बढ्दै गएको अवस्थामा “चैत्र मेगा एक्सचेन्ज कार्निभल” ले स्मार्ट, किफायती र आधुनिक सवारी खोजिरहेका ग्राहकहरूलाई विशेष आकर्षण प्रदान गर्ने अपेक्षा गरिएको कम्पनीले जनाएको छ।
