कस्तुरी फर्मास्युटिकल्स लिमिटेडले आईपीओ निष्काशन गर्ने भएको छ । विगत १३ वर्षदेखि औषधि उत्पादन गरि रहेको यस कम्पनीले सर्वसाधारणको लागि १६ करोड मूल्य बराबरका १६ लाख कित्ता सेयर जारी गर्न लागेको हो ।
यहि चैत्र मासान्त भित्र आईपीओ निष्काशनका लागि धितोपत्र बोर्डमा आवेदन दिन लागेको कम्पनीले बिक्री प्रबन्धकमा रिलायवल क्यापिटल इनभेष्टमेन्ट एण्ड मर्चेन्ट लिमिटेडलाई नियुक्त गरेको छ । आईपीओ जारीपश्चात कम्पनीको कुल चुक्ता पुँजी ८० करोड पुग्नेछ ।
विगतमा कम्पनीले मुनाफाबाट सेयरधनीहरुलाई लाभांश वितरण गरेको र आगामि दिनमा समेत लाभांश वितरण गर्ने लक्ष्य लिएको छ । कम्पनीको हालको प्रतिसेयर नेटवर्थ (पौष मसान्त) १२९.९३ रुपैयाँ रहेको जनाइएको छ । सोबोनका लाथि आवश्यक वास्तविक नेटवर्थ ९२.०५ रुपैयाँ रहेकोमा चालु आर्थिक वर्षको अन्त्यसम्म उक्त वास्तविक नेटवर्थ ११२.८१ रुपैयाँ पुग्ने अपेक्षा गरिएको छ ।
कम्पनीले विगतमा लिइएको कर्जा भूक्तानी गर्दै घटाउने क्रममा अब २४ करोड रुपैयाँ मात्रै बाँकी रहेको पनि जनाएको छ ।
यस कम्पनीका कार्यकारी अध्यक्ष प्रवेक खनाल र प्रबन्ध निर्देशक इश्वर भण्डारी ३ दशकदेखि यस क्षेत्रमा आवद्ध रहेका अनुभवि व्यवसायिहरु हुन ।
