नेपाल एसबिआई बैंकद्वारा मधेश प्रदेशमा सञ्चालित सामाजिक उत्तरदायित्व कार्यक्रम अन्तर्गत विभिन्न विद्यालयका ८ सयभन्दा बढी गरिब तथा विपन्न वर्गका विद्यार्थी लाभान्वित भएका छन् ।
बैंकले बारा जिल्लाको जीतपुरसिमरास्थित श्री आदर्श आधारभूत विद्यालय, सर्लाही जिल्लाको हरिवनस्थित श्री जनता प्राथमिक विद्यालय, सप्तरी जिल्लाको राजगढ र राजविराजस्थित श्री जनता माध्यमिक विद्यालय बेल्ही चपेना तथा श्री बौद्घिक अपाङ्गता विद्यालय र रौतहट जिल्लाको चन्द«पुरस्थित श्री दलित जनजागरण आधारभूत विद्यालयका विद्यार्थीहरुलाई सहयोग पु¥याउने उद्धेश्यले विभिन्न सामग्री सहयोग गरेको हो ।
बैंकका अनुसार ति विद्यालयका विद्यार्थीहरुका लागि ह्वाईट बोर्ड, कुर्सी, स्टिल दराज, अफिस टेबुल, विद्यालय पोशाक, स्कुल ब्याग र अन्य शैक्षिक तथा खेलकुद सामग्रीहरु सहयोग गरिएको हो ।
यस किसिमको पहलले विद्यालयको शैक्षिक वातावरण प्रभावकारी हुनुका साथै विद्यार्थीहरुको पठनपाठनमा थप सहजता ल्याउने लक्ष्य बैंकले राखेको छ ।
समुदाय स्तरमा यस किसिमका गतिविधिहरु सञ्चालन गर्दै आएको नेपाल एसबिआई बैंक लि.ले बिगत ३२ वर्षदेखि बैकिङ सेवा प्रदान गर्दै आईरहेकोे छ । हाल बैंकका १०२ शाखा, २२ एक्स्टेन्सन काउन्टर, ७ प्रादेशिक कार्यालय, २१ शाखा रहीत बैंकिङ, १२७ एटिएम र १ कर्पोरेट कार्यालय सञ्चालनमा छन् ।
