श्रीलंका र भारतमा जारी टि २० विश्वकप क्रिकेट प्रतियोगिता अन्तर्गत आजदेखि सुपर ८ चरणका खेलहरु सुरु हुदै छ। जसमा आज साँझ ७:१५ बजे पाकिस्तान र न्युजील्याण्डबीच खेल हुनेछ।
२० देश सहभागी विश्वकपको सुरुवातमा ४ वटा समूह थिए। हरेक समूहका शिर्ष २ टिम दोस्रो चरणमा प्रवेश गरेकोले दोस्रो चरण अर्थात् सुपर ८ मा ८ वटा टिम रहेका छन् ।
सुपर ८ मा पुगेका ८ टिमलाई दुई वटा समूहमा विभाजन गरिएको छ। जसमा समूह १ मा भारत, साउथ अफ्रीका, वेस्ट इन्डिज र जिम्बाबे छन् भने समूह २ मा इंग्ल्यान्ड, न्युजील्याण्ड, पाकिस्तान र श्रीलंका छन् । यी टिमले आफ्नो समूहमा रहेका हरेक देशसंग खेल खेल्ने छन् । समूहको शिर्ष २ मा रहने टिम सेमिफाइनलमामा प्रवेश गर्ने छन् ।
विश्वकपमा नेपाल समूह सी मा रहेकोमा ४ मध्ये १ खेल मात्र जितेर समूह चरणबाट नै बाहिरिएको छ। उपाधि दाबेदार मानिएको अष्ट्रेलिया पनि समूह चरणबाट नै बाहिरिएको छ।
