अल–न्यू अपग्रेडेड बजाज डोमिनार ४०० नेपालमा लन्च भएको छ । राइडरहरू, इन्फ्लुएन्सरहरू, सञ्चारकर्मीहरूको उपस्थितिमा बजाज नेपालले अपग्रेडेड डोमिनार ४०० लाई नेपालमा आधिकारिक रूपमा सार्वजनिक गरेको हो ।
कम्पनीले यसको मूल्य ६ लाख ३४ हजार ९ सय रुपैयाँ तोकेको छ । यसको बुकिङ पनि खुला भइसकेको छ ।
कार्यक्रमको मुख्य आकर्षणका रूपमा मनाङ एक्सप्लोरर राइड प्रिमियर गरिएको थियो, जसले डोमिनार ४०० को लामो दूरीको क्षमता तथा कठिन भूगोलमा उत्कृष्ट प्रदर्शन क्षमतालाई प्रस्तुत गर्यो । उपस्थित दर्शकहरूबाट सकारात्मक प्रतिक्रिया प्राप्त भएको कम्पनीले जनाएको छ ।
अल–न्यू अपग्रेडेड बजाज डोमिनार ४०० मा डट म्याट्रिक्स डिस्प्लेसहितको डिजिटल कन्ट्रोल कन्सोल, ब्लुटुथ कनेक्टिभिटी र टर्न(बाइ(टर्न नेभिगेसन, राइड(बाइ(वायरसहित चार राइड मोड, ट्र्याक्सन कन्ट्रोल, एड्जस्टेबल लेभरहरू, तथा हजार्ड लाइट प्रणाली जस्ता आधुनिक प्रविधिहरू समावेश गरिएको छ, जसले सुरक्षा र राइडिङ अनुभवलाई थप उत्कृष्ट बनाएको छ ।
उत्साहजनक सहभागिता र सकारात्मक प्रतिक्रियासहित लन्च कार्यक्रम सफलतापूर्वक सम्पन्न भएको र जसले आधुनिक प्रविधिसहित प्रदर्शन–केन्द्रित बाइक प्रदान गर्ने बजाजको प्रतिबद्धतालाई थप मजबुत बनाएको बताइएको छ ।
सार्वजनिकरण पश्चात ग्राहकहरूले फागुन ४ देखि ८ सम्म आयोजना हुने टेस्ट राइड मार्फत बाइकलाई नजिकबाट अनुभव गर्न सक्नेछन् ।
