बुटवल पावर कम्पनी लिमिटेडले लाभांश घोषणा गरेको छ । कम्पनीको पुस ३ गते बसेको संचालक समितिको बैठकले आर्थिक वर्ष २०८१/८२ को मुनाफाबाट वितरण गर्ने लाभांश प्रस्ताव गरेको हो ।
जस अनुसार कम्पनीले आर्थिक वर्ष २०८१/८२ को मुनाफाबाट ६ प्रतिशत नगद लाभांश वितरण गर्ने प्रस्ताव गरेको हो । कम्पनीको आगामी साधारणसभाले पारित भएपछि उक्त लाभांश लगानीकर्तामा वितरण हुनेछ ।
कम्पनीले पुस २८ गते वार्षिक साधारणसभा बोलाएको छ । सभा प्रयोजनार्थ कम्पनीले पुस १५ गते बुक क्लोज मिति तय गरेको छ । पौष १४ गतेसम्म कायम सेयरधनीले कम्पनीले वितरण गर्ने लाभांश प्राप्त गर्न र सभामा भाग लिन सक्नेछन् ।
