नेपाल प्रिमियर लिग (एनपीएल)मा पनि भारतीय प्रिमियर लिग (आईपीएल) को जस्तै रोबोट डग देखिने भएको छ । आगामी मंसिर १ गतेदेखि सञ्चालन हुन लागेको एनपीएलमा यस्तो रोबट डग देखिने भएको हो।
एनपीएलको ‘ड्रिभन बाइ’ पार्टनरका रूपमा रहेको ओमोडा एन्ड जेइकोले रोबट डग मैदानमा उतार्ने भएको हो। ओमोडा एन्ड जेइकोले आफ्नो फेसबुक पेजमा डगको फोटो सर्वजनिक गर्दै यसलाई के नामले बोलाउंदा उचित हुन्छ भने सुझाव माग गरेको छ ।
आईपीएलमा २०२५ संस्करण एआई-आधारित रोबोट कुकुर देखिएको थियो, जसलाई ‘चम्पक’ नाम दिइएको थियो। चम्पकले आईपीएलमा विभिन्न रोचक क्रियाकलापहरू गरेको थियो। चम्पकमा क्यामेरा पनि जडान गरिएको थियो, र उसले खेल मैदान घुम्दै बलरहरूको फलो-अप, ब्याट्सम्यानहरूको सेलिब्रेसन र क्राउडको उत्साह कैद गर्थ्यो । टसको समयमा सिक्क पनि लिएर आउने गर्थ्यो ।
एनपीएलमा भने यसले के के गर्छ भन्ने अहिले प्रष्ट पारिएको छैन ।
