नेपाल सरकारद्धारा स्थापित भौतिक पूर्वाधार पुनर्निर्माण कोषमा दुई वटा बीमा कम्पनीले रकम जम्मा गरेका छन् । आज मंगलबार नेशनल लाइफ इन्स्योरेन्स र एनएलजी इन्स्योरेन्सले रकम जम्मा गरेका हुन् ।
नेशनल लाईफ इन्स्योरेन्स कम्पनी लिमिटेडको तर्फबाट प्रमुख कार्यकारी अधिकृत सुरेश प्रसाद खत्रीले एक करोड र एनएलजी इन्स्योरेन्स कम्पनी लिमिटेडको तर्फबाट प्रमुख कार्यकारी अधिकृत सुनिल बल्लभ पन्तले २५ लाख रकमको छुट्टाछुट्टै चेक अर्थमन्त्रीलाई हस्तान्तरण गरेका हुन् ।
अर्थ मन्त्रालयका अनुसार कोषमा आज प्राप्त हुन आएको चेक रकम सहित जम्मा सात करोड एकाउन्न लाख साठी हजार चार सय उनान्चालीस रुपैयाँ जम्मा भएको छ।
