आरएसडिसी लघुवित्तले चालु आर्थिक वर्ष २०८२/८३ को पहिलो त्रैमासको अपरिस्कृत वित्तीय विवरण प्रकाशन गरेको छ। प्रकाशित विवरण अनुसार यस अवधिमा कम्पनीले २ करोड ११ लाख रुपैयाँ खुद नाफा कमाएको छ।
अघिल्लो आर्थिक वर्षको यसै अवधिको तुलनामा कम्पनीको खुद नाफा १९.१२ प्रतिशतले घटेको छ। अघिल्लो आर्थिक वर्षको पहिलो त्रैमासमा कम्पनीले २ करोड ६० लाख खुद नाफा कमाएको थियो।
समीक्षा अवधिमा कम्पनीको खुद ब्याज आम्दानी ३०.०४ प्रतिशतले घटेर ४ करोड ४८ लाखमा सिमित भएको छ। कम्पनीको संचालन आम्दानी ३०.६१ प्रतिशतले घटेर ४ करोड ६९ लाखमा सिमित भएको छ। कम्पनीको संचालन नाफा पनि १९.१२ प्रतिशतले घटेर ३ करोड १ लाखमा सिमित भएको छ।
कम्पनीको वितरणयोग्य मुनाफा पनि ११.१५ प्रतिशतले घटेर ९ करोड ९३ लाख कायम भएको छ। यस अवधिमा कम्पनीको प्रति शेयर आम्दानी ८.१६ रुपैयाँ रहेको छ भने प्रति शेयर नेटवर्थ १२८.०४ रुपैयाँ रहेको छ। कम्पनीको खराब कर्जा २.५७ प्रतिशतबाट बढेर ४.४४ रुपैयाँ पुगेको छ।
१ अर्ब ३ करोड चुक्ता पुँजी रहेको कम्पनीको जगेडा कोषमा २९ करोड ९९ लाख रुपैयाँ रहेको छ।
