आयोनको नयाँ ह्याचब्याक कार चाँडै नेपाल आउने भएको छ । चिनियाँ गाडी उत्पादक कम्पनी जएसी आयोनको नेपालका लागि आधिकारिक बिक्रेता सीजी मोटर्सले आयोन युटी ह्याचब्याक नेपाल ल्याउने भएको हो ।
१०० किलोवाट मोटर पावर भएको उक्त ह्याचब्याक तिहार लगत्तै नेपाली बजारमा ल्याउने तयारीमा कम्पनी रहेको छ । कम्पनीका अनुसार एक पटकको फुल चार्जमा यसले ४२० किलोमिटर सम्मको रेन्ज दिने दाबी गरिएको छ ।
अन्य विशेषता र यसको कुन भेरियन्ट नेपाल आउँछ भन्ने बारे अहिले नै सार्वजनिक गरिएको छैन । तर, अहिले नेपाली बजारमा बिक्री भइरहेका ह्याचब्याकको तुलनामा निकै कम मूल्यमा आयोनको नयाँ ह्याचब्याक सार्वजनिक हुने विश्वास लिइएको छ ।
अहिले ‘आयोन वाई’ र ‘आयोन भी’का डिलरहरुले आयोनको नयाँ ह्याचब्याक आएपछि आक्रामक ब्यापार गर्न सक्ने सीजीको विश्वास छ । फिचर्स र मूल्यका आधारमा उक्त ह्याचब्याक नेपाली उपभोक्ताको रोजाई भन्ने विश्वासमा कम्पनी देखिन्छ ।
अहिले सीजी मोटर्समार्फत काठमाडौँ बाहिर विराटनगर, धरान, पोखरा, नेपालगन्ज लगायतका शहरमा ‘आयोन वाई’ र ‘आयोन भी’का डिलर छन् । कम्पनीले चाँडै बिर्तामोड, जनकपुर, बीरगन्ज, हेटौँडा, बुटवल र धनगढीमा पनि डिलर दिँदैछ ।
