निरन्तरको वर्षाबाट उत्पन्न बाढी तथा पहिरोका कारण १३ जलविद्युत आयोजनाको उत्पादन बन्द भएको छ । बाढी तथा पहिरोका कारण १०५ मेगावाट क्षमताका १३ जलविद्युत आयोजनाको उत्पादन बन्द भएको हो ।
स्वतन्त्र ऊर्जा उत्पादकहरुको संस्था नेपाल (इप्पान)का अनुसार हालसम्म सञ्चालनमा रहेका १०५.४ मेगावाट क्षमताका १३ आयोजनाबाट विद्युत उत्पादन बन्द भएको छ । उत्पादन बन्द भएका आयोजनाहरुमा माइखोला, माइखोला क्यासकेड, सुपरमाइ, सुपरमाई ए, सुपरमाई ए क्यासकेड, जोगमाईखोला, जोगमाईखोला क्यासकेड, तल्लो जोगमाइ, माइबेनी, माथिल्लो माइखोला, माई सी क्यासकेड आयोजना लगायत रहेका छन् ।
यी सबै आयोजनाहरु इलाममा छन् ।
यस्तै, निर्माणाधीनका क्रममा रहेका ९३ मेगावाटका ५ आयोजनामा बाढीले क्षति पु¥याएको छ । निर्माणाधीन पाँचथरको सभाखोला बी र हेवाखोला, इलामको सिद्धिखोला र सिन्धुपाल्चोकका ब्रम्हायणी र अपर ब्रम्हायणी आयोजनामा क्षति पुगेको छ ।
