यातायात व्यवसायी र सरकारबीच भदौको २९ गतेबाट दशैँका लागि अग्रिम टिकट बुकिङ खुलाउने गरी करिब करिब सहमति भएको थियो । तर, जेनजी आन्दोलनका कारण अग्रिम टिकट बुकिङ कहिलेबाट खुलाउने भन्ने अन्योल सिर्जना भएको छ ।
शनिबार बेलुकाबाटै काठमाडौँ उपत्यकाभित्र फाट्टफुट्ट र उपत्यकाबाट बाहिरिने सवारी चल्न थालेका थिए । आइतबारबाट यो क्रम बढेपनि अग्रिम टिकट बुकिङको विषय भने ओझेलमा परेको यातायात व्यवसायीहरुले बताएका छन् ।
यातायात व्यवसायी राष्ट्रिय महासंघका वरिष्ठ उपाध्यक्ष सरोज सिटौलाका अनुसार अहिले यातायात मन्त्रालयले छलफल अघि बढाएको छ । आन्दोलनका क्रममा यातायात व्यवसायमा परेको प्रभाव पश्चात अब कसरी सार्वजनिक यातायातलाई पूर्ववत् अवस्थामा फर्काउने भन्ने सम्बन्धमा अहिले यातायात मन्त्रालयमा छलफल भइरहेको छ ।
‘यातायात कसरी सञ्चालन गर्ने भन्ने विषयमा अहिले छलफल भइरहेको छ’ सिटौलाले भने, ‘दशैँको अग्रिम टिकट बुकिङ कसरी खुलाउने जस्ता विषय पनि छलफलमा समेटिन्छ ।’
