जेनजी आन्दोलनका क्रममा घुसपैठ हुँदा भाटभटेनी सुपरमार्केटका देशभरका १२ वटा आउटलेट पूर्णरूपमा जलेका छन् । भाटभटेनीका अनुसार अरु ९ वटा आउटलेटमा तोडफोड र लुटपाट भएको छ ।
कम्पनीका प्रमुख सञ्चालन अधिकृत पानु पौडेलका टंगाल, महाराजगञ्ज, बौद्ध, कोटेश्वर, बालुवाटार गोदाम, पोखरा, चितवन, हेटौंडा, विर्तामोड, दमक, विराटनगर र धरानका आउटलेटहरु पूर्णरुपमा ध्वस्त भएका छन् ।
कलंकी, ठिमी, बालाजु, जनकपुर, बुटवल, वीरगञ्ज, धनगढी, इटहरी र भैरहवा आउटलेटमा भने तोडफोड र लुटपाट भएको छ छ ।
टोखा, सातदोबाटो, अनामनगर, सानागाउँ, युडब्लयुटिसी, पाटन र नेपालगञ्जका आउटलेटमा भने क्षति नभएको कम्पनीका प्रमुख सञ्चालन अधिकृत पौडेलले जानकारी दिएका छन् ।
कुल क्षतिको विवरण संकलन गर्न ४ हप्तासम्म समय लाग्न सक्ने जनाइएको छ । यद्यपी, कुल कारोबारको ८० प्रतिशत हिस्सा ओगट्ने २१ आउटलेटहरुमा क्षति हुँदा १५ सयभन्दा बढीले रोजगारी गुमाएका छन् ।
