आईसिएफसि फाइनान्सले ऋणपत्र निष्काशन गर्ने भएको छ। कम्पनीको साउन २७ गते बसेको संचालक समितिको बैठकले ऋणपत्र निष्काशन गर्ने निर्णय गरेकोमा राष्ट्र बैंकले भदौ ९ गते कम्पनीलाई ऋणपत्र निष्काशनको लागि स्वीकृति दिएको छ।
कम्पनीले प्रति ऋणपत्र १००० रुपैयाँको दरले ५० करोड बराबरको ५ लाख कित्ता ऋणपत्र निष्काशन गर्न लागेको हो । यस ऋणपत्रमा कम्पनीले ८ प्रतिशत ब्याज दिने प्रस्ताव गरेको छ।
धितोपत्र बोर्डले अनुमति दिएपछि कम्पनीले ऋणपत्र निष्काशन गर्ने छ।
