नेपाल यातायात व्यवसायी राष्ट्रिय महासंघले पनि इम्बोस्ड नम्बर प्लेट अनिवार्य गर्ने निर्णयमा विरोध जनाएको छ । महासंघले यातायात व्यवस्था कार्यालयहरुमा इम्बोस्ड नम्बर लगाउने प्रविधिको विकास नभइसकेको भन्दै अहिलेकै अवस्थामा इम्बोस्ड नम्बर अनिवार्य नगर्न अपिल पनि गरेको छ ।
यसैबीच, वर्तमान अवस्थामा इम्बोस्ड नम्बर लगाउन जाने सार्वजनिक सवारी साधनका व्यवसायीहरुले पूरानै नम्बरमा कर तिर्ने, कागज पत्र नविकरण गर्ने र यातायात कार्यालयले इम्बोस्ड नम्बरको राजश्व मात्र लिने गरेको गुनासो पनि महासंघले गरेको छ ।
‘भौतिक पूर्वाधार बिना राजश्व असुली गर्ने कार्य न्यायोचित नभएको हुँदा तत्काल जारी गरिएको सूचनालाई पुर्नमूल्याकंन गरि आवश्यक सुधार गरी पूर्वाधार र प्रविधि विकास गर्न सम्बन्धित मन्त्रालयको ध्यानाकर्षण गर्दछौँ’ महासंघले भनेको छ, ‘यथास्थितिमा इम्बोस्ड नम्बर लगाउने निर्णयको देशभरीका व्यवसायीहरुबाट विरोध गर्न अनुरोध गर्दै इम्बोस्ड नम्बर प्लेट नलगाउन समेत अपिल गर्दछौँ ।’
