नेपाल अटोमोबाइल इम्पोर्टर्स एन्ड म्यानुफ्याक्चर्स एसोसिएसन (नाइमा)ले आयोजना गरेको ‘नाइमा मोबिलिटी एक्स्पो २०२५’ सफलतापूर्वक सम्पन्न भएको छ । साउन २१ गतेबाट सुरु भएको एक्स्पो साउन २६ गते सोमबार सम्पन्न भएको हो ।
सुरुमा साउन २५ गतेसम्म आयोजना हुने भनिएपनि अवलोकनकर्ताको उत्साह बढेपछि एक्स्पो एक दिन थप गरिएको थियो । एक्स्पोको साउन २१ गते उपप्रधान तथा अर्थमन्त्री विष्णु पौडेलले उद्घाटन गरेका थिए ।
गाडी हेर्ने, नयाँ नयाँ मोडलबारे रुची राख्ने, गाडीको बारेमा सोधपुछ गर्ने, बुकिङ गर्ने र खरिद गर्नेहरुको उत्साहपूर्ण सहभागीतामा एक्स्पो सम्पन्न भएको नाइमाले जनाएको छ ।
५० अटोमोबाइल्स ब्राण्ड सहभागी भएको एक्स्पोको १ लाख १० हजार भन्दा बढीले अवलोकन गरेको बताइएको छ । आगामी हप्ता पत्रकार सम्मेलन गरेर सम्पूर्ण जानकारी दिइने नाइमाले जनाएको छ ।
समापन कार्यक्रममा नाइमाकी अध्यक्ष ऋतुसिंह वैद्यले एक्स्पो सफलतापूर्वक सम्पन्न गराउन सहयोग गर्ने सबैलाई धन्यवाद दिइन् भने उत्साहपूर्ण सहभागीता जनाउने अटोमोबाइल्स प्रेमीहरुलाई पनि धन्यवाद व्यक्त गरेकी छिन् ।
