कालिन्चोक दर्शन लिमिटेडले आर्थिक वर्ष २०८१/८२ को चौथो त्रैमासको अपरिस्कृत वित्तीय विवरण प्रकाशन गरेको छ। यस अवधिमा कम्पनीले २ करोड ७८ लाख २ हजार खुद नाफा कमाएको छ। अघिल्लो आर्थिक वर्षको यसै अवधिको तुलनामा कम्पनीको नाफा ५.४२ प्रतिशतले बढेको छ। अघिल्लो आर्थिक वर्षको यसै अवधिमा कम्पनीको खुद नाफा २ करोड ६३ लाख थियो ।
समीक्षा अवधिमा कम्पनीको बिक्रीको आम्दानी ७.५२ प्रतिशतले घटेर ७ करोड ९३ लाख ५५ हजार पुगेको छ। कम्पनीको संचालन मुनाफा १२.५० प्रतिशतले घटेर ३ करोड ७४ लाख कायम भएको छ।
कम्पनीको ब्याज खर्च भने १ करोड ८३ लाखबाट घटेर ९२ लाख ४४ हजारमा सिमित भएको छ । यसै कारण मुख्य आम्दानी घट्दा पनि कम्पनीको खुद नाफा भने घटेको छ।
यस अवधिमा कम्पनीको प्रति शेयर आम्दानी ४.४० रुपैयाँबाट बढेर ४.४३ रुपैयाँ पुगेको छ। कम्पनीको प्रति शेयर नेटवर्थ १०५.४१ रुपैयाँ रहेको छ। यस अवधिमा कम्पनीको चुक्ता पुँजी ६० करोड रहेको छ भने रिजर्भमा ३ करोड १६ लाख रहेको छ। कम्पनीको दिर्घकालिन ऋण भने ४ करोड ३० लाख रहेको छ।
