एमजी गाडीको नेपालका लागि आधिकारीक बिक्रेता पारामाउन्ट मोटर्सले आफ्नो एस–५ मोडलमा ३ लाख ५० हजारसम्मको छुट दिने स्किम ल्याएको छ । काठमाडौँमा जारी नाइमा मोबिलिटी एक्स्पोमा पारामाउण्टले एमजी–५ मा यस स्किम घोषणा गरेको छ ।
पारामाउण्ट मोटर्सका महाप्रबन्धक सुनिलबहादुर क्षेत्रीका अनुसार मोबिलिटी एक्स्पोसहित आउँदो चाडपर्वलाई लक्षित गरेर स्किम घोषणा गरिएको हो । जस अनुसार इन्ट्री भेरियन्टमा नगद १ लाख रुपैयाँ छुट दिने गरी स्किम ल्याएको कम्पनीले अब यो भेरियन्ट ४२ लाख ९९ हजारमा उपलब्ध गराउने छ ।
यस भेरियन्टमा १ वर्षको बीमा र ७ किलोवाटको चार्जर निःशुल्क दिने पनि कम्पनीले जनाएको छ ।
लक्जरी भेरियन्टमा भने २ लाख ५० हजार क्यास डिस्काउण्ट दिने भएको छ । अब यो छुटपछि कम्पनीले लक्जरी भेरियन्ट ४७ लाख ४९ हजारमा उपलब्ध गराउने छ । यसमा पनि १ वर्षको बीमा र ७ किलोवाटको एसी चार्जर निःशुल्क दिनेछ ।
डिलक्स भेरियन्टमा पनि कम्पनीले २ लाख ५० हजार नै छुट दिएको छ । अब यो भेरियन्ट ५२ लाख ४९ हजारमा उपलब्ध हुनेछ ।
साथै, आफूसँग भएको पूरानो गाडी एक्सचेन्ज गरेर एमजी एस–५ डिलक्स किन्दा एक्सचेन्ज बोनस अन्तर्गत १ लाख रुपैयाँ पाउन सकिन्छ । नगद छुट र एक्सचेन्ज बोनस गरी यो गाडीमा ३ लाख ५० हजार नगद छुट उपलब्ध हुनेछ ।
