गाडी भनेको मानिसको साधन मात्रै होइन, सपना पनि हो । हाम्रो जस्तो मुलुकमा त प्रतिष्ठा पनि हो । त्यसकारण मानिसहरु आफूले किन्ने गाडी गजब फिचर्सयुक्त होस् भन्ने चाहन्छन् । साथै, त्यसको ‘आफ्टर सेल्स सर्भिस’ कुनै बाधा नपरोस् भन्ने पनि चाहन्छन् ।
यी सबै विषयलाई ध्यानमा राखेर एमजीको आधिकारिक बिक्रेता पारामाउण्ट मोटर्सले एमजीको Premium SUV ‘IM 6’ नेपाल भित्र्याएको छ । यो लक्जरी मोडललाई एमजीको इन्टेलिजेन्ट इलेक्ट्रिक मोबिलिटीको प्रतीकका रूपमा हेरिएको छ ।
पारामाउन्ट मोटर्सका महाप्रबन्धक सुनिलबहादुर क्षेत्री पनि इन्ट्रि मोडलबाट अपग्रेड चाहने अटोमोबाइल्स प्रेमीहरुका लागि IM 6 गजबको अप्सन बन्ने बताउँछन् । उत्कृष्ट रेञ्ज, एआई असिस्टेड र लक्जरी क्याबिन अनुभव प्राप्त गर्न सकिने यस ईभी ‘स्मार्ट ड्राइभिङ’को फ्यूचर भएको उनको भनाइ छ ।
७५ किलोवाट आवरको एलएफपी ब्याट्री प्याकमा उपलब्ध IM 6 ले प्रतिघण्टा २०० किलोमिटरको गती प्रदान गर्छ । १०९ किलोवाटको मोटर पावर भएको यस ईभीले ४५० एनएम टर्क जेनेरेट गर्ने प्रमाणित छ ।
गाडीको फिचर्सबारे बुझ्न भिडियो हेर्न सकिन्छ । जहाँ महाप्रबन्धक क्षेत्रीले सविस्तार वर्णन गरेका छन् ।
नेपाली बजारमा धमाकेदार रुपमा प्रवेश गरेको यस ईभीको मूल्य ७४.९९ लाखबाट सुरु छ । प्रिमियम क्लासको यस ईभीको मूल्य गाडीको फिचर्सअनुसार प्रतिस्पर्धात्मक बजारमा ठूलो भने होइन । अति नै लक्जरी, गजबको लुक्स र डिजाइनका साथै ‘स्मुथ ड्राइभिङ’ अनुभवका लागि IM 6 उत्तम विकल्प बन्न सक्ने देखिन्छ ।
यति मात्रै होइन, पारामाउण्टको आफ्नै डिलर्स र सर्भिस नेटवर्क छ । IM 6 पनि ति एमजीकै शोरुमबाट बिक्री हुने भएकाले आफ्टर सेल्स सर्भिसमा पनि कुनै चिन्ता नहुने कम्पनीको भनाइ छ । ‘पारामाउण्टको डिलर्स र सर्भिस नेटवर्क देशभरी नै छ, त्यसकारण IM 6 किन्ने ग्राहकहरुले आफ्टर सेल्स सर्भिसको कुनै चिन्ता लिनुपर्दैन’ क्षेत्रीले भने ।
साथै, अब पारामाउण्टले यसको बुकिङ र टेस्ट ड्राइभ पनि सुरु गर्दैछ । त्यसपछि अटोमोबाइल्स प्रेमीहरुले आफैँले टेस्ट ड्राइभ गरेर अनुभव लिन सक्नेछन् ।
भिडियोः
