लामो खडेरीका कारण सुख्खा संकटकाल घोषणा भएको मधेश प्रदेशमा विद्युत प्रसारण तथा वितरणको अवस्था बुझ्न कार्यकारी निर्देशक हितेन्द्रदेव शाक्य सहितको टोली मधेश प्रदेश पुगेको छ ।
कार्यकारी निर्देशक शाक्यले मधेश प्रदेश अन्तर्गतका वितरण केन्द्र प्रमुखहरुसँग छलफल तथा अन्तरक्रिया गरी सुख्खा खडेरी पर्दा देखिएको संकटमा आम सर्वसधारणलाई राहत हुने गरी सिंचाइ विद्युतीकरणमा के कसरी कार्य गर्न सकिन्छ भनि सुझाव लिएका थिए ।
प्रधान्मन्त्री केपी शर्मा ओलीले मधेश प्रदेशका विभिन्न जिल्लामा ५ सय डिप ट्युबबेल जडान गर्ने घोषणा गरेको हुँदा उक्त ट्युबबेल सञ्चालनका लागि चाहिँने विद्युतीय पूर्वाधारको निर्माण के कसरी गर्न सकिन्छ भन्ने जानकारी लिन शाक्य सहितको टोली मधेश प्रदेश पुगेको हो ।
सिँचाइ तथा खानेपानीको समस्या समाधानका लागि नेपाल विद्युत प्राधिकरण सारथी हुने तर त्यसको लागि सरकारले आवश्यक बजेट व्यवस्थापन गरिदिनुपर्ने शाक्यले बताएका छन् । प्राधिकरणका कारणले डिप ट्युबबेल जडान गर्ने काम नरोकियोस् भन्ने कुरामा प्राधिरका सचेत रहेको र त्यसैका लागि आफू स्वयम् फिल्डमा आएको शाक्यले बताएका छन् ।
