नेपाल राष्ट्र बैंकले आज शुक्रबार आगामी आर्थिक वर्ष २०८२/८३ को मौद्रिक नीति सार्वजनिक गर्ने भएको छ । गभर्नर डा विश्वनाथ पौडेलले राष्ट्र बैंक कै नयाँ भवनबाट अज दिउँसो मौद्रिक नीति सार्वजनिक गर्ने तयारी गरेका हुन् ।
त्यस अघि बस्ने राष्ट्र बैंकको संचालक समितिको बैठकले मौद्रिक नीति पारित गर्ने छ । बैंकमा खर्वौको लगानीयोग्य रकम रहेकोले कर्जा प्रवाह बढ्ने गरि विस्तारित मौद्रिक नीति आउने बताईएको छ। बैंकिङ क्षेत्र सुधार सुझाव कार्यदलले दिएका सुझाव पनि मौद्रिक नीतिमा समेटिने छ ।
त्यस्तै बैंकको नयाँ लाइसेन्स खुलाउने विषय पनि मौद्रिक नीतिमा आउने बताइन्छ । गभर्नर पौडेलले अर्थ समितीको बैठक मै नयाँ लाइसेन्स खोल्नु पर्ने बताइसकेका थिए ।
मौद्रिक नीतिमा व्यवसायिको माग बमोजिम चालू पूंजी कर्जा मार्गदर्शनमा अझै संशोधन गर्ने विषय आउने सम्भावना पनि रहेको छ ।
गभर्नर बनेपछि पौडेलको यो पहिलो मौद्रिक नीति हुनेछ।
