वर्षा सुरु भएर निर्माणको सिजन सकिएसँगै सिमेन्ट र डण्डीको भाउ पनि घटेको छ । उद्योगीहरुले सिमेन्ट र डण्डीको भाउ घटाएका हुन् ।
उद्योगीहरुले सिमेन्टको भाउ प्रतिबोरा ५० रुपैयाँदेखि १ सय रुपैयाँसम्म र डण्डीको भाउ प्रतिकिलो ५ रुपैयाँसम्म घटाएका हुन् ।
वर्षा सुरु भएसँगै निर्माणजन्य वस्तुको माग घट्ने क्रममा सिमेन्ट र डण्डीको माग पनि घटेको छ । सँगै अहिले उद्योगमा लोडसेडिङ पनि हुन छोडेको छ । जसका कारण भाउ घटेको हो ।
अहिले ओपीसी सिमेन्टको भाउ प्रतिबोरा ६ सयदेखि ७ सय रुपैयाँ छ । पीपीसी सिमेन्टको भाउ ५ सयदेखि ५ सय ५० रुपैयाँसम्म छ । डण्डीको भाउ पहिले प्रतिकिलो ९६ रुपैयाँसम्म रहेकोमा अहिले ८२ देखि ८५ रुपैयाँमा झरेको छ ।
अब दशैँ तिहार पछिबाट भने निर्माणको काम सुरु हुने भएकाले त्यसबेला निर्माण सामग्रीको मूल्य पनि बढ्न थाल्छ ।
