चालु आर्थिक वर्ष २०८१/८२ को तेस्रो त्रैमासमा सेन्ट्रल फाइनान्सले १ करोड ६९ लाख ७७ हजार खुद नाफा कमाएको छ। अघिल्लो आर्थिक वर्षको यसै अवाधिमा कम्पनी ६ करोड १४ लाख घाटामा थियो।
यस अवधिमा कम्पनीको खुद ब्याज आम्दानी १८ करोड ५ लाखबाट घटेर १३ करोड १ लाख कायम भएको छ। कम्पनीको कुल संचालन आम्दानी पनि १९ करोड ६५ लाखबाट घटेर १८ करोड ३६ लाख कायम भएको छ।
कम्पनीले सम्भावित जोखिमको लागि इम्पेयरमेन्ट चार्ज अन्तर्गत छुट्याएको रकम १४ करोड १७ लाखबाट घटेर ३ करोड ७५ लाख मात्र कायम भएको छ। यस कारण कम्पनीको खुद ब्याज आम्दानी घटे पनि खुद नाफा बढेको देखिन्छ ।
यस अवधिमा कम्पनीको वितरणयोग्य मुनाफा भने ३६ करोड ३१ लाख रुपैयाँ ऋणात्मक रहेको छ। कम्पनीको वितरणयोग्य प्रति शेयर आम्दानी ऋणात्मक ५१.०३ रुपैयाँ रहेको छ।
९४ करोड ८८ लाख चुक्ता पुँजी रहेको कम्पनीको रिजर्भमा ४१ करोड ६७ लाख रुपैयाँ रहेको छ। यस अवधिमा कम्पनीको प्रति शेयर आम्दानी २.३९ रुपैयाँ , र प्रति शेयर नेटवर्थ १०५ रुपैयाँ ७० पैसा रहेको छ।
