नवौँ संस्करणको रमपम विराट गोल्डकप फुटबल प्रतियोगिताको उपाधि थ्रिस्टार क्बलले उचालेको छ । चर्च ब्वाइज यूनाइटेडमाथि २–० गोलको जित निकाल्दै थ्रिस्टारले उपाधि जितेको हो ।
थ्रिस्टारको जितमा खेमराज श्रेष्ठ र दिपेश घलेले गोल गरे । विजयी थ्रिस्टारले नगद ११ लाख रुपैयाँसहित ट्रफी हात पारेको छ भने चर्च ब्वाइजले नगद ५ लाख रुपैयाँमा चित्त बुझाउनु परेको छ ।
थ्रीस्टारले मछिन्द्र र त्रिभुवन आर्मीलाई र चर्च ब्वाइजले एनआरटी र नेपाल पुलिसलाई हराउँदै फाइनल यात्रा तय गरेका थिए ।
थ्रिस्टारले विराट गोल्डकपको उपाधि दोस्रो पटक जितेको हो । यसअघि २०७५ सालमा पनि थ्रिस्टारले त्रिभुवन आर्मी क्लबलाई हराउँदै विराट गोल्डकप जितेको थियो ।
फागुन १९ गतेबाट सुरु भएको गोल्डकपमा दुई विदेशीसहित ‘ए’ डिभिजनका १० टिमको सहभागिता थियो ।
