नेपाल इन्भेष्टमेन्ट मेगा बैंकले चालु आर्थिक वर्ष २०८१/८२ को दोस्रो त्रैमासको अपरिस्कृत वित्तीय विवरण प्रकाशन गरेको छ। प्रकाशित वित्तीय विवरण अनुसार यस अवधिमा बैंकको खुद नाफा ५७.१८ प्रतिशतले बढेको छ।
दोस्रो त्रैमाससम्ममा बैंकले २ अर्ब ८३ करोड २३ लाख खुद नाफा कमाएको छ। अघिल्लो आर्थिक वर्षको यसै अवधिमा बैंकको खुद नाफा १ अर्ब ८० करोड १९ लाख थियो । यस अवधिमा बैंकको खुद ब्याज आम्दानी २.३७ प्रतिशतले घटेर ७ अर्ब ३६ करोड कायम भएको छ।
खुद ब्याज आम्दानी घटे पनि बैंकले सम्भावित जोखिमको लागि छुट्याएको इम्पेयरमेन्ट चार्ज अन्तर्गतको खर्च घटे पछि बैंकको खुद नाफा घटेको हो । बैंकको इम्पेयरमेन्ट चार्ज अन्तर्गतको रकम २ अर्ब ८६ करोडबाट घटेर १ अर्ब ७७ करोड कायम भएको छ। त्यस्तै बैंकको नेट फि एण्ड एण्ड कमिशन शिर्षकको आम्दानी ३२.८० प्रतिशतले बढेर १ अर्ब नाघेको छ। यहि कारण बैंकको संचालन मुनाफा ३३.६९ प्रतिशतले बढेर ४ अर्ब ४ करोड पुगेको छ। यस अवधिमा बैंकको वितरणयोग्य मुनाफा २ अर्ब ८६ करोड ऋणात्मक रहेको छ।
यस अवधिमा बैंकको प्रति शेयर आम्दानी १६ रुपैयाँ ६० पैसा रहेको छ भने प्रति शेयर नेटवर्थ १८५ रुपैयाँ रहेको छ। बैंकको खराब कर्जा १.२० प्रतिशतबाट बढेर १.६७ प्रतिशत पुगेको छ।
३४ अर्ब १२ करोड चुक्ता पुंजी रहेको बैंकको रिजर्भमा २९ अर्ब २ करोड रहेको छ। बैंकको निक्षेप ४ खर्ब ४० अर्ब रहेको छ भने कर्जा प्रवाह ३ खर्ब २८ अर्ब रहेको छ।
