चालु आर्थिक वर्ष २०८१/८२ मा कायममुकायम मुख्यसचिवसहित १७ जना सचिव (विशिष्ट श्रेणी)ले अनिवार्य अवकाश पाउँदै छन्। राष्ट्रिय किताबखाना (निजामती) का अनुसार उनीहरु उमेर हद र सेवा अवधिका कारण अनिवार्य अवकाशमा जान लागेका हुन् ।
चालु आर्थिक वर्षमा सबैभन्दा पहिले कायममुकायम मुख्यसचिव लीलादेवी गडतौलाले अवकाश पाउने छिन् । उनले २०८१ भदौ १५ गतेबाट अवकाश पाउने छिन् । त्यस्तै भदौ मै सचिवद्वय तोय नारायण ज्ञवाली र कृष्ण कान्त उपाध्ययले अवकाश पाउने छन् ।
चालु आवमा सबैभन्दा अन्तिममा हालकी परराष्ट्र सचिव सेवा लम्सालले अवकाश पाउने छिन् । उनको अवकाशको मिति २०८२ असार ५ रहेको छ ।
२०८१ साउन १ गतेदेखि २०८२ असार मसान्तसम्मको अवधिमा सबै तहका कुल २ हजार ११९ जना सरकारी निजामती कर्मचारीले अनिवार्य अवकाश पाउने राष्ट्रिय किताबखाना (निजामती) ले जनाएको छ ।
हेर्नुस् चालु आर्थिक वर्षमा अवकाश पाउने १७ सचिव:
लीलादेवी गड्तौला – २०८१ भदौ १५
तोय नारायण ज्ञवाली – २०८१ भदौ २२
कृष्ण कान्त उपाध्याय- २०८१ भदौ २५
राम कृष्ण सुवेदी- २०८१ कार्तिक ५
मनिलाल गेलाल – २०८१ मङ्सिर १३
तोय नाथ अधिकारी- २०८१ मङ्सिर २८
दिनेश भट्टराई: २०८१ माघ २०
रोशन पोखरेल: २०८१ फागुन १२
टेक नारायण पाण्डे: २०८१ फागुन १२
मधु कुमार मरासिनी: २०८१ फागुन १६
एक नारायण अर्याल : २०८१ फागुन १८
अर्जुन प्रसाद पोखरेल : २०८२ वैशाख २ गते
गणेश प्रसाद पाण्डे: २०८२ वैशाख ३०
उदयराज सापकोटा : २०८२ जेठ २८
सुदर्शन खड्का : २०८२ जेठ ३०
शिव राज चौलागाई : २०८२ असार ४
सेवा लम्साल : २०८२ असार ५
