रौतहटस्थित एक मदिरा उद्योगमा बोइलर विष्फोट हुँदा एक जनाको मृत्यु भएको छ भने ६ जना घाइते भएका छन् । जिल्लाको कटहरीया नगरपालिका ९ मा रहेको ज्योती डिस्टीलरीमा बोइलर विष्फोट भएको हो ।
जिल्ला प्रहरी कार्यालय रौतहटका प्रहरी उपरीक्षक (एसपी) रविन कार्कीका अनुसार विष्फोटमा लक्ष्मण राय यादवको घटनास्थलमै मृत्यु भएको हो । उनका अनुसार बिगन राय, बलिराम राय, रहमत मिया, कैलाश माली, प्रेमजित राय र जगदिश राय घाइते भएका छन् ।
शनिबार बिहान डिस्टीलरीको बोइलर विष्फोट भएको थियो ।
विष्फोटबारे अनुसन्धान भइरहेको प्रहरीले जनाएको छ ।
