नेकपा एमालेका उपाध्यक्ष विष्णु पौडेलले आज उपप्रधान तथा अर्थ मन्त्रीको रुपमा पद तथा गोपनीयताको सपथ लिएका छन् । नव नियुक्ति प्रधानमन्त्री केपी शर्मा ओलीले पौडेललाई आफ्नो क्याबिनेटमा उपप्रधान तथा अर्थ मन्त्रीको जिम्मेवारी दिएका हुन् ।
यस सँगै विष्णु पौडेल पाँचौ पटक अर्थमन्त्रीको रुपमा सिंहदरबार प्रवेश गर्दै छन् । उनी केपी ओली प्रधानमन्त्री हुँदा २०७२ कार्तिकमा पहिलो पटक अर्थ मन्त्री बनेका थिए । त्यस्तै २०७७ असोजमा उनी फेरि अर्थ मन्त्री बने । ओली नै प्रधानमन्त्री हुँदा २०७८ जेठमा उनी तेस्रो पटक अर्थमन्त्री बने । २०७९ पुसमा उपप्रधान तथा अर्थ मन्त्री बनेका पौडेल अहिले २०८१ असार ३१ मा पुन: उपप्रधान तथा अर्थ मन्त्री बनेका छन् ।
समग्रमा उनी आठौ पटक मन्त्री बनेका हुन् । पुष्पकमल दाहाल पहिलो पटक प्रधानमन्त्री बनेका बेला २०५३ चैत्रमा विष्णु पहिलो पटक मन्त्री बनेका थिए । त्यस समय उनले युवा, खेलकुद तथा संस्कृति मन्त्रालय सम्हालेका थिए । २०६५ भदौमा उनी दोस्रो पटक मन्त्री बने र जलस्रोत मन्त्रालय सम्हाले । २०६७ साल झलनाथ खनालको नेतृत्वको सरकारमा पौडेल रक्षामन्त्री बने। त्यसपछि भने उनी हरेक पटक अर्थ मन्त्री मात्रै कायम रहे ।
