नेकपा एमालेले सरकारमा जाने मन्त्रीहरुको टुङ्गो लगाएको छ। एमालेले पार्टीबाट सरकारमा जाने ८ जना मन्त्रीको नाम तय गरेको हो ।
जस अनुसार एमाले उपाध्यक्ष विष्णु पौडेल उपप्रधान तथा अर्थ मन्त्री सहित सरकारमा जाने भएका छन् । त्यस्तै उपमहासचिव पृथ्वीसुबबा गुरुङले संचार मन्त्रालयको जिम्मेवारी सम्हाल्ने छन् ।
योगेश भट्टराई , छविलाल विश्वकर्मा, जुलीकुमारी महतो, विद्या भट्टराई र दामोदर भण्डारी पनि एमालेबाट मन्त्री बन्ने तय भएको बताईएको छ । उनीहरुको मन्त्रालय भने टुंगो लागेको छैन । यद्यपि दामोदर भण्डारी उद्योगमा र बलराम अधिकारी भूमि व्यवस्था तथा सहकारीमा दोहोरिने सम्भावना छन् ।
