अर्थमन्त्री वर्षमान पुनले आज बिदाइको क्रममा आफ्नो चार महिने दोश्रो कार्यकाल सन्तोषजनक रहेको बताएका छन् । मन्त्रालयका कर्मचारीले आइतबार आफ्नो बिदाइका लागि आयोजना गरेको कार्यक्रममा उनले बजेटमार्फत मुलुकको भावी विकास र अर्थतन्त्रको मार्गचित्र कोर्न सफल भएको दाबी गरेका हुन् ।
उनले बजेटमार्फत शिथिल अर्थतन्त्रमा सुधार तथा निजी क्षेत्र र युवा वर्गमा आशा जगाउने खालका कार्यक्रम ल्याइएको बताउँदै ४ महिने कार्यकालबाट आफू सन्तुष्ट रहेको बताए ।
‘केही आशा जगाउने गरी बजेट ल्याएको छु, ४ महिना एक साताको कार्यकालबाट म सन्तुष्ट छु’, उनले भने, ‘मलाई अर्थ मन्त्रालय परिवार र गभर्नरसहित सम्वद्ध सबैबाट राम्रो सहयोग मिल्यो ।’
