भारतबाट औद्योगिक कच्चापदार्थका रूपमा चिनी आयात गर्न विभिन्न १० उद्योगले अनुमति पाएका छन् । उद्योग, वाणिज्य तथा आपूर्ति मन्त्रालयले भारतले दिएको कोटा अनुसार चिनी ल्याउन १० उद्योगले अनुमति पाएको बताएको छ ।
मन्त्रालयले भारतबाट प्राप्त कोटा बमोजिम औद्योगिक कच्चा पदार्थका रूपमा प्रयोग गर्ने गरी चिनी आयात गर्न इच्छुक उद्योगसँग आवेदन मागेको थियो । आवेदन दिएकामध्ये एग्रो थाइ फुड (ललितपुर), गुडलाइफ वेभरेज (सुनसरी), एसियन बिस्कुट एन्ड कन्फेक्सनरीसुनसरी), क्वालिटी फुड नेपाल प्रा.लि.(सुनसरी), क्वालिटी फुड एन्ड स्न्याक्स इन्डस्ट्रिज प्रा.लि. (सुनसरी), क्वालिटी कन्फेक्सरी प्रा.लि. (सुनसरी) र क्वालिटी डाइट एन्ड फुड प्रोडक्सन प्रा.लि. (सुनसरी) ले चिनी आयात गर्ने अनुमति पाएका हुन् ।
शिवम डेरी एन्ड फुड इन्ड्रस्ट्रिज प्रा.लि. (विराटनगर), केआरएस भेन्चर्स (झापा) र सुजल फुड्स (कास्की, पोखरा) ले पनि चिनी आयात गर्ने अनुमति पाएको मन्त्रालयले जनाएको छ ।
चिनी आयातको अनुमति पाएका उद्योगहरुलाई चाँडोभन्दा भन्दा सम्पर्कमा आउन उद्योग विभागले अनुरोध गरेको छ ।
