स्टक ब्रोकर एसोसिएसन अफ नेपालका अध्यक्ष धर्मराज सापकोटाले मौद्रिक नीति प्रति मिश्रित प्रतिक्रिया दिएका छन्। मौद्रिक नीतिले केहि माग सम्बोधन गरेपनि केही विषय भने सम्बोधन नभएकोले सोचे जस्तो मौद्रिक नीति नआएको उनको भनाई छ।
संस्थागत शेयर लगानीकर्तालाई शेयर धितोकर्जाको २० करोडको सीमा हट्नु सकारात्मक रहेको उनको भनाई छ। तर शेयर धितोकर्जाको जोखिमभार घटाएर १०० प्रतिशत कायम गर्ने र व्यक्तिगत लगानीकर्ताको हकमा शेयरधितो कर्जाको सीमा बढाउने विषयमा भने कुनै सम्बोधन नगरिएकोले सोचे जस्तो मौद्रिक नीति नभएको उनी बताउछन् । ब्यतिगतको हकमा शेयर धितो कर्जाको सीमा १५ करोड बढेर २० देखि २५ करोड कायम हुने अपेक्षा रहेको उनको भनाई छ ।
यद्यपि कुनै पनि नकारात्मक विषय नरहेको र मौद्रिक नीति लचिलो नै रहेकोले समग्रमा मौद्रिक नीतिले ‘पोजेटिभ भाइब्स’ नै ल्याउने उनी बताउछन् । शेयर बजार विगत केही समयदेखि नै पोजेटिभ भईसकेको र अबको मौद्रिक नीतिको प्रभावले बजार थप पोजेटिभ हुने उनको भनाई छ।
यो पनि : अन्तिम पटकमा गभर्नरले ल्याए लचिलो मौद्रिक नीति: बैंक, लघुवित्तदेखि शेयर लगानीकर्तालाई राहत
