आज शुक्रबार सुनको भाउले रेकर्ड तोडेको छ । हिजो बिहिबार तोलाको १ लाख ४४ हजार ९ सय रुपैयाँमा कारोबार भएको छापावाल सुन आज तोलामा १ हजार ८ सय रुपैयाँले बढेर प्रतितोला १ लाख ४६ हजार ७ सय रुपैयाँ पुगेको छ ।
आज प्रति १० ग्राम छापावाल सुनको भाउ १ लाख २५ हजार ७७० रुपैयाँ छ ।
आज तेजावी सुनको भाउ तोलाको १ लाख ४६ हजार रुपैयाँ पुगेको छ । १० ग्राम तेजावी सुनको मूल्य १ लाख २५ हजार १७० रुपैयाँ तय भएको नेपाल रत्न तथा आभूषण महासंघले जनाएको छ ।
यसअघि असार २३ गते प्रतितोला १ लाख ४५ हजार ४ सय पुगेर सुनको भाउले नयाँ उचाई बनाएको थियो । आज त्यो रेकर्ड तोडिएको छ ।
आज चाँदीको भाउ पनि तोलामा १५ रुपैयाँले बढेर १ हजार ९ सय रुपैयाँ पुगेको छ । आज १० ग्राम चाँदीको भाउ १ हजार ६२९ रुपैयाँ तोकिएको छ ।
