साविक विजेता अर्जेन्टिना कोपा अमेरिका–२०२४ को फाइनलमा प्रवेश गरेको छ । अमेरिकाको न्यु जर्सीमा बुधबार बिहान भएको पहिलो सेमिफाइनल खेलमा क्यानडामाथि २–० को जित हात पार्दै अर्जेन्टिना फाइनल प्रवेश गरेको हो ।
अर्जेन्टिनाका लागि कप्तान लियोनल मेस्सी र जुलियन अल्भारेजले एक एक गोल गरे ।
जुलियन अल्भारेजले २३औं मिनेटमा गोल गर्दै अर्जेन्टिनालाई अग्रता दिलाएका थिए । दोस्रो गोल मेस्सीले ५१औँ मिनेटमा गरे । जारी प्रतियोगीतामा मेस्सीको यो पहिलो गोल हो ।
अर्जेन्टिनाले अब कोलम्बिया र उरुग्वे बीचको दोस्रो सेमिफाइनलको विजेतासँग फाइनल खेल्नेछ । दोस्रो सेमिफाइनल खेल बिहिबार बिहान हुनेछ ।
