चालु आर्थिक वर्ष २०८१/८२ को तेस्रो त्रैमासको वित्तीय विवरण सार्वजनिक गरेका विकास बैंकहरु मध्ये सर्वाधिक नाफा कमाउनेमा गरिमा विकास बैंक र मुक्तिनाथ विकास बैंक रहेका छन् । यस अवधिमा गरिमाले ७३ करोड ३४ लाख खुद नाफा कमाएको छ भने मुक्तिनाथले ७२ करोड ४८ लाख खुद नाफा कमाएको छ।
समीक्षा अवधिमा गरिमा विकास बैंकको खुद नाफा ७.३२ प्रतिशतले बढेको छ भने मुक्तिनाथ विकास बैंकको खुद नाफा १६.८६ प्रतिशत घटेको छ।
यी दुईपछि धेरै नाफा कमाउनेमा शाइन रेसुङ्गा डेभलपमेन्ट बैंक र कामना सेवा विकास बैंक रहेका छन् । यी दुई बैंकको खुद नाफा क्रमश ५१ करोड ४० लाख ४९ करोड ३१ लाख रहेको छ।
प्रतिशतको आधारमा भने कर्पोरेट डेभलपमेन्ट बैंकको खुद नाफा सर्वाधिक १०३.८२ प्रतिशत बढेको छ भने ज्योति विकास बैंकको खुद नाफा १०१.१४ प्रतिशत बढेको छ। त्यस्तै शांग्रिला डेभलपमेन्ट बैंकको खुद नाफा ६१.१९ प्रतिशत तथा कामना सेवा विकास बैंकको खुद नाफा ४८.८३ प्रतिशत बढेको छ।
अघिल्लो आर्थिक वर्षको तेस्रो त्रैमासमा घाटामा रहेको सिन्धु विकास बैंक चालु आर्थिक वर्षको तेस्रो त्रैमासमा नाफामा पुगेको छ। बैंकले यस अवधिमा ७ करोड ८४ लाख खुद नाफा कमाएको छ।
यस अवधिमा लुम्बिनी विकास बैंकको खुद नाफा सर्वाधिक ८५.४५ प्रतिशत घटेको छ भने मुक्तिनाथ विकास बैंकको नाफा १६.८६ प्रतिशत घटेको छ।
एक्सेल डेभलपमेन्ट र नारायणी डेभलपमेन्ट बैंक भने घाटा मै रहेका छन् ।
हेर्नुस् कुनको नाफा/घाटा कति ?
