नेपाल स्टक एक्सचेन्ज (नेप्से)मा अपि पावर कम्पनी लिमिटेडको शेयर मूल्य समायोजन भएको छ । कम्पनीको ५ प्रतिशत बोनस शेयरमा मूल्य समायोजन भएको हो ।
बिहीबारको अन्तिम कारोबार मूल्य ३११ रुपैयाँलाई आधार मानेर शेयर मूल्य समायोजन गरिएको नेप्सेले जनाएको छ । समायोजन पश्चात कम्पनीको शेयर मूल्य प्रतिकित्ता २९६.१९ रुपैयाँ कायम भएको छ । सोही मूल्यलाई आधार मानेर कम्पनीको अबको कारोबार खुला हुनेछ ।
अपि पावर कम्पनीले लाभांश वितरण प्रयोजनका लागि कार्तिक २ गतेलाई बुक क्लोज मिति तोकेको थियो । यसअनुसार कार्तिक १ गतेसम्म कायम शेयरधनीले कम्पनीको ५ प्रतिशत लाभांश पाउनेछन् ।
कम्पनीले आर्थिक वर्ष २०८०/०८१ को मुनाफाबाट हाल कायम चुक्ता पूँजीको ९ प्रतिशतका दरले बोनस सेयर र कर प्रयोजनका लागि ०.४७३७ प्रतिशत नगद लभांश घोषणा गरेकोमा विद्युत नियमन आयोगले उक्त लाभांश वितरण गर्न नमिल्ने भनेपछि कम्पनीले लाभांश संशोधन गर्दै ५ प्रतिशत नगद लाभांश र ०.२६३२ प्रतिशत नगद लभांश वितरण गर्ने घोषणा गरेको छ ।
कम्पनीले कार्तिक ११ गतेका लागि वार्षिक साधारणसभा बोलाएको छ ।
